A Fundación Ramón González Ferreiro ten a súa orixe na vontade de Don Ramón González Ferreiro, natural da aldea de Paciños, no municipio de Allariz. Por desexo expreso del, a Fundación que leva o seu nome, pasa a ser herdeira de todo o seu patrimonio no momento do seu falecemento, acontecido en xullo de 1980, ao mesmo tempo que fixa os seus obxectivos, que van a enmarcarse fundamentalmente na actividade educativa. Inicia así, esta Fundación, unha importante andaina, que persegue dar resposta, non só as necesidades de Allariz e comarca, senón tamén a algunhas das que Galiza require.

 

  
 

Dende hai anos, a Fundación Ramón González Ferreiro mantén unha estreita colaboración co Concello de Allariz, que levou á posta en marcha de importantes proxectos para o municipio. Na actualidade, son moitas as institucións coas que existe colaboración e que dan mostra non só da importancia das actividades que se están a desenvolver, senón da apertura dun abano de áreas nas que actualmente desenvolve o seu traballo: Caixanova, Asociación Téxtil de Galicia, Asociación de Ovino-Caprino de Galicia, Instituto de Desarrollo Agrario do País Vasco, Sociedade Española de Medicina General, Universidade de Santiago. Dende 1986, a Fundación Ramón González Ferreiro está declarada de interese galego, recoñecida e clasificada como benéfico-docente pola Consellería de Educación.

FUNDACIÓN RAMÓN GONZÁLEZ FERREIRO

Lugar Paciños – Allariz

32 667 – Ourense – España

Tlf.(+34) 988 436 182 – Fax (+34) 988 436 182

fundacion.rgf@allariz.com   info@fundacionrgf.org

 

Agradecemento o grupo CALDALOBA, pola cesión da súa peza musical Rumbabria: "Se a emigración levou a nosa música alen dos mares, a volta da emigración trouxonos ritmos que os gaiteiros adaptaron a nosa música" 

 

    
  
 
 
Subvencionado pola Consellería de Educación e Ordenación Universitaria, Dirección Xeral de Política Lingüística