No mes de setembro de 2000 púxose en marcha o Instituto Superior de Tecnoloxía e Deseño Téxtil de Allariz, co obxectivo de paliar as deficiencias formativas que en Galicia existen nesta área e, ao mesmo tempo, converter Allariz nun referente dentro do sector téxtil.

Para conseguilo, o Concello de Allariz e a Fundación Ramón González Ferreiro, asinan un convenio de colaboración coa Asociación Textil de Galicia (na que participan deseñadores do prestixio de Adolfo Domínguez, Roberto Verino, Antonio Pernas, Florentino, Caramelo, etc.) e coa Escola Superior de Deseño e Moda Felicidad Duce de Barcelona que posibilite, por un lado, a conexión directa da Escola coas empresas do sector, co fin de garantir a formación máis axeitada e práctica posible e, por outro, o contido formativo coa incorporación ao proxecto dunha escola de importancia internacional como FD Moda de Barcelona.

   
  
 
   

O Instituto Superior de Tecnoloxía e Deseño Textil está radicado no edificio-sede da Fundación Ramón González Ferreiro, e imparte as especialidades de:

  • Deseño de moda.
  • Ciclo formativo de grao superior de Artes Plásticas e Deseño en Estilismo de Indumentaria.
  • Patronaxe e Escalado, especialidades de muller, home, neno, corsetería e baño, xénero de punto. - Tecnoloxía da Confección.
  • Cursos monográficos: Deseño asistido por ordenador CAD, Patronaxe e Escalado asistido por ordenador CAD, Seminario de Tecnoloxía da Confección, Márketing Textil e da Moda, Introducción ao Deseño da Moda.

Os técnicos formados no Instituto realizan as súas prácticas en empresas punteiras galegas, participan dos beneficios da Bolsa de traballo da escola, ademais de poder participar nos concursos de moda internacionais de maior proxección.