Construíuse unha nave-aprisco e rehabilitouse unha antiga edificación no Rexo co obxecto de situar nelas un rabaño de ovellas de leite e unha queixería, explotación piloto na que se poida avaliar a eficacia de novos métodos de xestión e explotación gandeira co valor engadido que supón a fabricación de queixo e, ao mesmo tempo que este escenario sexa utilizado como aula para a Escola Silvopastoril do Rexo, propiedade da Fundación Ramón González Ferreiro. A fundación forma futuros gandeiros na xestión de rabaños de ovino de leite e na fabricación de queixos de calidade. Expedindo certificado de Aptitude Empresarial Agraria homologado pola Consellería de Política Agroalimentaria e Desenvolvemento Rural, apto para acadar axudas á mellora ou instalación de novas explotacións. O curso impártese de novembro a maio, realizando prácticas na nave-aprisco e na queixería. Nos seguintes arquivos relacionamos os sitios onde se pode comer e comprar o queixo O Rexo.

 


Descargar archivos 		  
 

Outros cursos que imparte a Fundación que están homologados polo Plan FIP :

- Gandeiro de ovino e cabrún
- Elaborador de queixo
- Cultivador de plantas forraxeiras e pratenses

Para garantir a solvencia técnica das materias impartidas na Escola, a Fundación asina un convenio de colaboración con OVICA (Asociación de Ovino-Caprino de Galicia), e coa Universidade de Santiago. Así mesmo, para a explotación do rabaño e a fabricación de queixo créase unha sociedade limitada entre a propia Fundación e o Concello de Allariz, denominada Granxa Educativa Agrogandeira S.L., (EDUCAGRO), para a comercialización do queixo.

Para a visita e explicación deste proxecto a Fundación ten un servizo de visitas guiadas das instalacións destinadas a diversos organismos, institucións (colexios, asociacións...) e particulares.Para elo solicite a través da nosa web , pode descargar a solicitude para facer a súa visita:


Descargar archivos